Amethan (şiir)

Портрет: 

        Amethan

 Merdligiñnen qalbimizge

Kirdiñ, Amethan.

Faşistlerniñ qırgiyların

Qırdıñ, Amethan.

On duşmanğa bir özüñ qarşı

Turdıñ, Amethan.

Çıq köklerge, Amethan batır,

Duşmanlar tınsın.

Saglığıña, Amethan batır,

Qadeler tolsın!

Vatanıñnıñ eki kere

Qaramanısıñ.

Öz yurtuñnıñ, öz halqıñnıñ

Şeref-şanısıñ.

Sınalacaq uçquçlarnıñ

Qanı, canısıñ.

Çıq köklerge, Amethan batır,

Duşmanlar tınsın.

Saglıgıña, Amethan batır,

Qadeler tolsın!

Yuqlap yatsañ yav bolçı batır,

Yav bolsañ, turçı!

Qardaşıñ keldi qarşıña batır,

Sevindirçi!

Öz qoluñman bir resmiñni

Hatıra berçi!

Çıq köklerge, Amethan batır,

Duşmanlar tınsın.

Saglıgıña Amethan batır,

Qadeler tolsın!

            E.Şemi-zade.