Muracaat

Портрет: 

İ. Gasprinskiy adına qırımtatar kitaphanesi aşağıdaki alimlerimiz aqqında malümat araştıra:

Qırımtatar alimlerimiz sabıq Sovet Birligi cumhuriyetlerinde çeşit ilim saalarında faaliyet kösterdiler. Olarnıñ er biri öz saasına salmaqlı isse qoştı demeke aqqımız bar. Bu alimlerniñ aqıl-idraq ve medeniy hazinesini saqlap qalmaq – kitaphanemizniñ esas ğayelerinden biri.

Seydametov Âya Ametoviç (1907-1942) – fitopatologiya (ösümlikşınaslıq) iliminen oğraştı.

Köy hocalığı tehnikumını, Ülyanovsk köy hocalığı institutını. 1937s. Leningrad şeerinde ösümliklerni qorçalav Bütünsoyuz ilmiy tedqiqat institutınıñ aspiranturanı bitirdi, onıñ yapqan keşfiyatları 1939-1941 ss. Bütünsoyuz halq hocalığı muvafaqiyetleri sergisinde kösterildi.

Araştırma saası: "Yüzüm oidiumı ve oña qarşı küreş çareleri". Fitopatologiya iliminde "krivaya Seydametova" termini qullanıla.

Azırlağan kitapları:

Seydametov Ya. A. Oidium vinograda v Krımu i merı börbı s nim / Narkomzem RSFSR ASSR. Krım. Nİİ zaşçitı rasteniy. – Moskva, 1939. – 24 s.

Seydametov Ya. A. Yüzüniñ oidiumı (kuf) hastalığı ve onıñnen küreş / Ösümliklerni qorçalav Qırım İlmiy-teşkerüv institutı; çıq. mesül: A. O. Kürkçi. – Simferopol: Qırımdevneşr, 1940. – 11 s.

Bulundığı malümat içün minnetdarlıq bildiremiz.