Cemil Kermençekli

CEMİL KERMENÇİKLİ (1891 — 1942). Cemil Kermençikli 1891 senesi Yalta uyezdi Kermençik köyünde muallim horantasında doğdı. Oqumaq ve yazmaqnı evde ögrendi. Eki yıl Bağçasarayda Abdul-Alim mektebinde ve soñra „Zıncırlı" medrese-sinde oqudı.

1908 senesi İstanbulğa yollanıp, yıl devamında andaki medreselerden birinde oqudı.

1909-1913 seneleri Orenburgdaki „Husayniye" medresesinde oqudı. Yaz tatillerinde Qırğızstan ve Qazahstanda seyahatlarda bulundı. Çare tapqanda, bazı yerlerde çalışıp özüniñ keçinmesi ve oqumasına para qazandı.

1913 senesi Qırımğa qaytıp, ocalıq işine berildi.

1916-17 seneleri „Terciman" gazetinde çalıştı. Qurultay zamanında milliy azatlıq ve demokratiya areketlerinde büyük rol oynadı.

İlk şiirlerini ,,Zıncırlı "da oqudığı zaman yazdı. 1917 senesi onıñ „Kuçük dostlarıma" adlı şiirler mecmuası neşir olundı. Milliy areketindeki faal iştiraki edebiy icadında oz aksini taptı. „Tatarım!" (1917), „Muqaddes emelimiz olurken" (1917), „Sevin, ey şanlı millet!" (1917), „Çelebicihane" (1918) ve bir çoq diger şiirlerinde milletperverlik, vatapseverlik ve milliy azadelik nağmelerini aks etti. Janr itibarıle qalemini bazıda ikâye ve felyeton saalarında sınadı.

C.Kermençikli 1937 senesi iyül 27-de „milletçi"likte qabaatlanıp yaqalandı ve şiddetli haps cezası ile Sibirge könderildi. Sovet kontslagernniñ zulumı ve eziyetine dayanmayga 1942 senesi yanvar 22-de Arhangelsk taraflarında vefat etti.

                                      İsmai Kerimov / Eki asır arasında