Omürimni kömür etken tahnsızlıq

Omürimni kömür etken tahnsızlıq

Sürgünliknen yaralanğan yüregime

Altmış sene dermen olğan tapılması.

Şu yaranıñ sızlağanı kemigime

Hancer kibi sançıluvı toqtamadı.

Altmış sene – köz açtırmay aqsızlıq,

Altmış sene – yoldaşımdır bahtsızlıq,

Altmış sene – meni talay zulumlıq,

Omürimni komür etken tahtsızlıq!

Ecatlarım toprağında yolum tar,

Kuneşli kün beklesem de – yağa qar,

Dert ustüne dertke oğtap, ah çekem,

Yüce Allam aqsızlıqtan sen qurtar.

Tamır atıp iç eşermey teregim,

Yana-yana ep kül ola yüregim.

Cumhuriyetsiz iç tüzelmez şu yaram,

Tahsızlıqtan ozüñ qurtar, ey, Allam!

                                   PEVAT ZETİ // Qırım. – 2004. – mayıs 18. – N 21.