Seytumer Emin

***

Maña,

Senden güzeller

Bar dediler…

İnanmadım,

Tek sen ediñ qalbimde.

Qaranlıq geceler,

Afatlı yeller

Qaç sefer

Yolumnı kestiler.

Kene de

Seni taşıdım goğlümde.

Çoq yıllar oylandım

Çoq yollar boyladım –

Özenler

Dağlar

Sahralar keçtim…

Araret basqanda alevli taşlarnı emdim.

Bilseydiñ, o vaqıt men neler çektim?!

Niayet, añladım

Aldandım…

Faqat, kimsesiz,

Sevgisiz,

Sensiz,

Dünyada bir özüm qldım…

1969 c.